Crnogorski igrači bez angažmana

Napisao:  Pročitano 1578 puta petak, 12 oktobar 2018 11:37

Košarkaška prvenstva širom Evrope su uveliko počela, a veliki broj crnogorskih igrača još uvijek je bez angažmana.

Stoga smo sastavili petorku i ''klupu'' ''najzvučnijih'' imena, koja su trenutno u potrazi za novim klubom.

1. Ivan Koljević - Iskusni, 34-godišnji plejmejker prošle sezone je na tri utakmica ABA 2 lige nosio dres Lovćena, sa prosječnim učnikom od 9 poena, da bi kasnije prešao u slovenački Šenčur, gdje je na 13 mečeva prosječno billježio 6,1 poena i 2,8 asistencija.

2. Miloš Đurišić - 30-godišnji bek nakon dvije sezone u Teodu traži novu sredinu za nastavak karijere. Pljevljak je u sezoni iza nas u dresu Tivćana u ABA 2 ligi prosječno postizao 10,8 poena i 4,7 asistencija.

3. Ivan Jelenić - Baranin, koji broji 33 ljeta, prošle godine je noseći dres Lovćena knjižio 7,9 poena i 2 skoka po meču.

4. Nemanja Milošević - 31-godišnji krilni centar je proljetos nastupao na nekoliko pripremnih mečeva za grčki Olimpijakos, a u protekloj sezoni je postizao 12,6 poena i 4,1 skok za bugarski Levski.

5. Ivan Maraš - Crnogorski centar je u predsezoni igrao za Armani Milano, a prošle sezone je nastušajući za grčki Aris bilježio 8,4 poena i 6 skokova u grčkoj Ligi, odnosno 12,6 pogodaka i 5 uhvaćenih lopti u Ligi šampiona.

Klupa:

Pavle Titić - juniorski reprezentativac, 18-godišnji plej, nije potpisao profesionalni ugovor sa Barselonom, za čije je mlađe kategorije nastupao od 2014. godine i trenutno je u potrazi za novim angažmanom.

Ivan Zejak - 31-godišnji krilni centar slobodan je agent nakon iskustva u slovačkoj Handlovi, gdje je u prosjeku postizao 9 poena i 5 skokova po susretu.

Milovan Drašković - 23-godišnji, 211cm visoki centar je u sezoni iza nas nastupao za austrijski Vels, gdje je prosječno knjižio 10,4 pogotka i 8,1 skok.

Mihailo Sekulović - 27-godišnji centar je prošlu sezonu proveo u Teodu, gdje je u ABA 2 ligi bilježio 12 poena i 5 skokova

Vladimir Golubović - Bivši reprezentativni centar, 32-godišnji Golubović, slobodan je igrač nakon prošlogodišnjeg ispadanja iz ACB lige sa španskim Betisom, u čijem je dresu knjižio 6,6 poena i 2,8 skokova.